Jesaja 9 vo 66
- von rico loosli 6924 bioggio tessin
-
Zugriffe: 445
Jesaja 9 vo 66
9 Dunkelheit wird jedoch nid so sy wie zur Zyt wo ds Land in Not isch gsy, wie i früechere Zyte wo ds Land Sebulon und ds Land Naphtali verächtlech behandlet sy. Doch zunere schpätere Ziit wird Gott s zu Ehre bringe – dr Wäg am Meer, in dr Jordangegend, ds Galiläa vo de andere Völker.
2 Ds Volk wo ir Finsternis umeghange isch
het es grosses Liecht gseh.
Die im Land töifä Schattens wohne,
Liecht schiesse uf si.
3 Du hesch d Nation volkriich gmacht.
Hesch ihri Fröid gross gmacht.
Si freued sech vor dir,
wi me sech ir Erntezyt freut,
wi me jublet, we me d'Büte ufteilt.
4 Denn du hesch ds Joch zerschmetteret wo uf ne lastet,
der Stock uf ihrne Schultere, der Stab vom Arbeitsatriber,
wie am Tag Midians.
5 Jede Stiefel, wo bim Marschiere d Erde erschütteret,
u jedes bluetgetränkti gwand
wird es Raub vo de Flamme wärde.
6 Wiu üs isch es Ching gebore worde,
ä Sohn isch üs gä.
Är wird ds Herrscherächt ha.
Sy Name wird sy: Wunderbare Ratgeber, Mächtige Gott, Ewigvater, Friedensfirscht.
7 Sini Herrschaft wird sech immer wyter usdehne
u der friede wird ändlos sy
ufem Thron Davids u i sim Königrich.
Durch Recht und Grechtigkeit
wirds gfeschtiget u gstützt
vo itze a bis i ewigkeit.
Dr Eifa Jehovas, vum Herrn dr Heere, wird des bewirke.
8 Jehova het Jakob e Warnig gschickt,
si traf für Israel i.
9 U ds ganze Volk wird's wüsse,
Ephraim un d Bewohner vu Samarien,
alli, de in ihrer Überheblichkeit un in dr Unverschämtheit vu ihrem Herz sage:
10 "Ziegelmuure sy gfalle,
doch mir wärde mit behoue stei boue.
Mulbeerfeigebäum sy umghaue worde,
doch mir wärde si dür Zädere ersetze."
11 Jehova wird d gegner rezins gäge ne ufstachle
un sini Feinde zum Handle bewegge,
12 Syrie usem Oschte u d Philischter usem Weschte,
si werde Israel mit ufgrissem mul verschlinge.
Wäge allem het sech si Zorn nid abgwandt,
sondern sini Hand isch no zum Schlage usgstreckt.
13 Wüu ds Volk isch zu däm, wo's schlat, nid zrüggchehrt.
Jehova, d Herr vo dr Heere, hei si nid gsuecht.
14 Amene einzige Tag wird d Jehova vo Israel
Chopf u Schwanz, junge Trieb u Bine abhaue.
15 Der Ältescht u Hochageseheni isch der Chopf,
un dr Prophet, dr falschi Aleitig git, dr Schwanz.
16 D Füehrer vo däm Volk füehreds i d Irre,
un de, wo gführt wäre, sin vuwirrt.
17 Drum wird d Jehova sech nid über ihri junge Manne freue
un mit ihre Vaterlose Kinda un ihri Witwe kei Erbarme hän,
denn sie alli sin Abrünige un Ibeltäta
u us jedem Muu chunnt Unsinn.
Wäge allem het sech si Zorn nid abgwandt,
sondern sini Hand isch no zum Schlage usgstreckt.
18 Wüu d Schlächtigkeit brönnt wi es Füür,
ds Dornegschtrüpp u Unkrut uffrisst.
Si wird d Dickicht vom Wald i Brand stecke
und z Rauchwulche la ufstiege.
19 Wäge däm Zorn Jehovas, vom Herr vo dr Heere,
isch ds Land z Brand gsteckt worde,
u ds Volk wird es Raub vo de Flamme wärde.
Kene wird o nume si Brüeder verschonä.
20 Eine wird rächts öppis abhacke,
aber dennoch hungrig blibe.
Und eine wird links fresse,
aber dennoch nid satt werde.
Jede wird ds Fleisch vo sim eigete Arme verschlinge,
21 Manasse wird Ephraim verschlinge
un Ephraim Manasse.
Zäme wärde si gäge Juda si.
Wäge allem het sech si Zorn nid abgwandt,
sondern sini Hand isch no zum Schlage usgstreckt.